പ്ലാസ്റ്റിക് പാത്രം വിഴുങ്ങിയ മൂർഖൻ പാമ്പിനെ രക്ഷപ്പെടുത്തി ഡോക്ടർ. അഞ്ചു മീറ്റർ നീളമുള്ള പെൺ മൂർഖനൊണ് പ്ലാസ്റ്റിക് പാത്രം വിഴുങ്ങിയത്. കവലപടൂർ ഗ്രാമ പഞ്ചായത്ത് വൈസ് പ്രസിഡന്റ് വാസന്തിയുടെ മംഗളൂരു ബണ്ട്വാൾ വഗ്ഗയിലെ വീട്ടുവളപ്പിൽ അനങ്ങാനാവാതെ കിടന്ന പാമ്പിനെയാണ് ശസ്ത്രക്രിയക്ക് വിധേയമാക്കിയത്. കുടലിൽ വ്രണമുണ്ടാക്കിയ പാത്രമാണ് പുറത്തെടുത്തത്.
വഗ്ഗയിലേ പാമ്പുപിടിത്തക്കാരൻ കിരണിന്റെ സഹായത്തോടെ പാമ്പിനെ വെറ്ററിനറി സർജൻ മംഗളൂരുവിലെ ഡോ. യശസ്വി നരവിയുടെ അടുത്ത് എത്തിച്ചു. എക്സ്റേയിൽ കണ്ടെത്തിയ പാത്രം പാമ്പിന് അനസ്തേഷ്യ നൽകിയ ശേഷം ശസ്ത്രക്രിയയിലൂടെ പുറത്തെടുക്കുകയായിരുന്നു. പാമ്പിനെ പിന്നീട് വനം വകുപ്പ് ഉദ്യോഗസ്ഥരുടെ അറിവോടെ കാട്ടിൽ വിട്ടു. മൂർഖന് 10 വർഷത്തോളം പ്രായമുണ്ടാവുമെന്ന് ഡോക്ടർ പറഞ്ഞു.
English Summary: Cobra swallows plastic box
You may also like this video
