അഗ്നിപർവതത്തിൽ കയറുന്നതിനിടെ ആറ് പർവതാരോഹകർ മരിച്ചു. റഷ്യയിലെ ക്ലയൂചെവ്‌‌സ്‌കായ സോപ്‌ക അഗ്നിപര്‍വതത്തില്‍ കയറുന്നതിനിടെയാണ് സംഭവം. ആറ് പേർ ഇവിടെ ഇനിയും കുടുങ്ങിക്കിടക്കുന്നതായാണ് വിവരം. പർവതമേഖലയിൽ ശക്തമായ ശീതക്കാറ്റുണ്ടായതിനാൽ രക്ഷാപ്രവർത്തകർക്ക് കുടുങ്ങിക്കിടക്കുന്നവരുടെ അടുത്തേക്ക് എത്താനായിട്ടില്ലെന്നും റിപ്പോര്‍ട്ടുകള്‍ വ്യക്തമാക്കുന്നു. ചൊവ്വാഴ്ചയാണ് രണ്ട് ഗൈഡുകൾ ഉൾപ്പെടെ 12 അംഗ സംഘം 15,597 അടി ഉയരത്തിലുള്ള അഗ്നിപർവതത്തിന്റെ മുകളിലേക്ക് യാത്ര തുടങ്ങിയത്. എന്നാൽ ശനിയാഴ്ച സംഘത്തിലെ ആറ് പേർ 13,780 അടി താഴ്ചയിലേക്ക് വീണ് മരിച്ചെന്നാണ് റിപ്പോർട്ട്. എല്ലാവരും റഷ്യൻ പൗരൻമാരാണ്.
English Summary: Cold Storm: Six climbers die while climbing Mt
You may like this video also
