തൃശ്ശൂരില്‍ നടു റോഡില്‍ ബെെക്ക് അഭ്യാസം നടത്തിയ വിദ്യാർഥിയെ നാട്ടുകാര്‍ മര്‍ദ്ദിച്ചു . തൃശൂര്‍ ചേതന കോളജിലെ ബിരുദ വിദ്യാര്‍ഥി അമലിനാണ് മര്‍ദ്ദനമേറ്റത്. ഇന്നലെ വൈകീട്ടാണ് സംഭവം. റേസിംഗിനിടെ ബൈക്കിന്‍റെ മുൻഭാഗം ഉയർത്താൻ ശ്രമിച്ചപ്പോൾ കൂടെ ഉണ്ടായിരുന്ന പെണ്‍കുട്ടി തെറിച്ച് വീഴുകയായിരുന്നു.
ഇതോടെ നാട്ടുകാർ ഒത്തുകൂടി അമലിനെ ചോദ്യം ചെയ്തു. ഇതിനിടെ, അമൽ നാട്ടുകാർക്കു നേരെ തിരിയുകയും കയർക്കുകയുമായിരുന്നു. നാട്ടുകാർ പ്രകോപിതരായതോടെ അമലിനു മർദനമേൽക്കുകയായിരുന്നു.
മർദനത്തിന്‍റെ വീഡിയോ ദൃശ്യങ്ങളും പുറത്തുവന്നിട്ടുണ്ട്. ഒരാൾ കല്ലുകൊണ്ട് അമലിനെ തലയ്ക്കടിക്കുന്നതും ദൃശ്യങ്ങളില്‍ വ്യക്തമാണ്. സംഭവത്തിൽ ഒല്ലൂര്‍ പോലീസ് കേസെടുത്തു. നാട്ടുകാരിൽ ഒരാളുടെ പരാതിയിൽ അമലിനെതിരേയും കേസെടുത്തിട്ടുണ്ട്.
English summary; collage student attacked in Trissure
You may also like this video;
