അര്‍ബുദരോഗിയായ യാത്രക്കാരിയെ അമേരിക്കന്‍ എയര്‍ലൈന്‍സ് വിമാനത്തില്‍ നിന്ന് ഇറക്കിവിട്ടതായി പരാതി. മീനാക്ഷി സെന്‍ഗുപ്ത എന്ന യാത്രക്കാരിയെയാണ് ജീവനക്കാരുടെ സഹായം തേടിയത്. എന്നാല്‍ ന്യൂയോര്‍ക്കിലേക്കുള്ള വിമാനത്തില്‍നിന്ന് അവരെ ഇറക്കിവിടുകയായിരുന്നു. ജനുവരി 30‑നാണ് സംഭവം. അമേരിക്കന്‍ എയര്‍ലൈന്‍സിന്റെ എ എ 293 വിമാനത്തില്‍ കയറിയപ്പോള്‍ കൈയ്യിലുള്ള ബാഗ് മുകളിലേക്ക് എടുത്ത് വയ്ക്കാന്‍ അധികൃതര്‍ ആവശ്യപ്പെട്ടു.
എന്നാല്‍ കുറച്ച് നാളുകള്‍ക്ക് മുന്‍പു ശസ്ത്രക്രിയ കഴിഞ്ഞതിനാല്‍ ഒറ്റയ്ക്ക് അത് ചെയ്യാന്‍ സാധിക്കില്ലെന്നും ബാഗ് മുകളിലേക്ക് വയ്ക്കാന്‍ തന്നെ സഹായിക്കണമെന്നും അഭ്യര്‍ത്ഥിച്ചു. എന്നാല്‍ ഇത് തന്റെ ജോലി അല്ലെന്നായിരുന്നു വിമാന അധികൃതര്‍ യുവതിക്കു നല്‍കിയ മറുപടി. ശേഷം യുവതിയോട് വിമാനത്തില്‍ നിന്ന് ഇറങ്ങാന്‍ ആവശ്യപ്പെട്ടു. അതേസമയം വിമാനത്തില്‍ നടന്ന സംഭവത്തെക്കുറിച്ച് അന്വേഷണം നടത്തി വരികയാണെന്ന് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ ഡി ജി അരുണ്‍ കുമാര്‍ വ്യക്തമാക്കി.
English Summary; Complaint that a passenger suffering from cancer was kicked off the flight
You may also like this video
