എല്‍ദോസ് കുന്നപ്പിള്ളി എംഎല്‍എ ഭീഷണിപ്പെടുത്തുന്നുവെന്ന് ലൈംഗികപീഡനക്കേസിലെ പരാതിക്കാരിയുടെ അമ്മ. എല്‍ദോസ് ആളുകളെ വിട്ട് മകളെ കൊലപ്പെടുത്തുമെന്ന് ഭീഷണിപ്പെടുത്തുന്നതായി പരാതിക്കാരിയുടെ അമ്മ പറഞ്ഞു. ഇവരുടെ പരാതിയില്‍ ബിനാനിപുരം പൊലീസ് അന്വേഷണം ആരംഭിച്ചു.
കോണ്‍ഗ്രസുകാരാണെന്ന് പറഞ്ഞാണ് പലരും വീട്ടിലെത്തി ഭീഷണിപ്പെടുത്തുന്നതെന്ന് പരാതിയില്‍ പറയുന്നു. ഇവര്‍ തങ്ങളെ ജീവിക്കാന്‍ അനുവദിക്കുന്നില്ല, തനിക്കും കുടുംബത്തിനും സംരക്ഷണം നല്‍കണം, പ്രതികള്‍ക്കെതിരെ നിയമനടപടി സ്വീകരിക്കണമെന്നും പരാതിയില്‍ ആവശ്യപ്പെട്ടിട്ടുണ്ട്. എന്നാല്‍ സംഭവത്തില്‍ പൊലീസ് കേസെടുത്തിട്ടില്ല, പ്രാഥമിക അന്വേഷണത്തിന് ശേഷമേ നടപടിയുണ്ടാകൂ എന്നാണ് വിശദീകരണം.
English Summary: Complaint that Eldhose Kunnappilly MLA is threatening
You may also like this video
