വായനാ 
പക്ഷാചരണ സമാപനം

കൃഷ്ണപുരം യുവജന സംഘടന ഗ്രന്ഥശാലയിൽ കാർത്തികപ്പള്ളി താലൂക്ക് ലൈബ്രറി കൗൺസിലിന്റെ ആഭിമുഖ്യത്തിൽ വായനാ പക്ഷാചരണത്തിന്റെ താലൂക്ക് തല സമാപനവും ഐ വി ദാസ് അനുസ്മരണവും നടത്തി. താലൂക്ക് വൈസ് പ്രസിഡന്റ് കെ കെ അനിൽകുമാർ അദ്ധ്യക്ഷത വഹിച്ചു. ഹോർട്ടി കോർപ്പ് ചെയർമാന്‍ എസ് വേണുഗോപാൽ ഉദ്ഘാടനം ചെയ്തു. ഐ വി ദാസ് അനുസ്മരണം ഡോ. ചേരാവള്ളി ശശി നിർവ്വഹിച്ചു. എസ് ആസാദ്, ടി എസ് താഹ, എസ് സഞ്ജയ് നാഥ്, എസ് സദാശിവൻ നായർ, കെ ശ്രീകുമാർ, സി എ അരുൺ കുമാർ എന്നിവർ സംസാരിച്ചു.