പാലക്കാട് മുണ്ടൂർ മന്ദത്ത് കാവിൽ ഇതര സംസ്ഥാന തൊഴിലാളികൾ തമ്മിലുണ്ടായ തർക്കത്തെ തുടർന്ന് ഒരാൾ കൊല്ലപ്പെട്ടു. ഉത്തർപ്രദേശത്ത് സ്വദേശി വാസീം ആണ് കൊല്ലപ്പെട്ടത്. വാജിദെന്ന തൊഴിലാളിയാണ് ആക്രമണം നടത്തിയത്. മറ്റൊരു തൊഴിലാളിക്കും സംഘർഷത്തിനിടെ പരിക്കേറ്റു.
മരിച്ച വാസിമും അക്രമിച്ച വാജിദും ഒരേ കുടുംബത്തിലെ അംഗങ്ങളാണ്. സ്വത്തിനെച്ചൊല്ലി ഇവരുടെ കുടുംബാംഗങ്ങൾ തമ്മിൽ കഴിഞ്ഞ ദിവസം ഉത്തർ പ്രദേശിൽ സംഘർഷമുണ്ടായിരുന്നു. ഇതിനെച്ചൊല്ലിയുള്ള തർക്കമാണ് കൊലപാതകത്തിലേക്ക് നയിച്ചത്. ആശാരി പണിക്കാരനായ വാജിദ് ഉളി കൊണ്ട് വാസിമിൻ്റെ കഴുത്തിൽ ആഞ്ഞു കുത്തുകയായിരുന്നു. ഗുരുതര പരിക്കുകളോടെ വാസിമിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ENGLISH SUMMARY: Conflict between out-of-state workers; One was killed
YOU MAY ALSO LIKE THIS VIDEO
