കർണ്ണാടകയിൽ യുവതിയെ വീട്ടില് തൂങ്ങി മരിച്ച നിലയില് കണ്ടെത്തി. 22കാരി വര്ഷിണിയാണ് മരിച്ചത്. മൈസൂരുവില് സ്വകാര്യ കോളജില് എംഎസ്സി ബയോടെക്നോളജി വിദ്യാര്ഥിനിയാണ് വര്ഷിണി. ആണ്സുഹൃത്ത് വഞ്ചിച്ചെന്നും ബ്ലാക്ക്മെയില് ചെയ്തെന്നും കാണിക്കുന്ന ആത്മഹത്യ കുറിപ്പ് വീട്ടിൽ നിന്നും പൊലീസ് കണ്ടെടുത്തു. ഞായറാഴ്ച 11 മണിയോടെ അമ്മയാണ് വര്ഷിണിയെ വീട്ടിലെ കിടപ്പുമുറിയിലെ ഫാനില് തൂങ്ങിയ നിലയില് കണ്ടെത്തുന്നത്. വീട്ടില് നിന്നും കണ്ടെത്തിയ ആത്മഹത്യ കുറിപ്പില് ആണ്സുഹൃത്തായ തുംകുരു സ്വദേശിയായ അഭിക്കെതിരെ ഗുരുതര ആരോപണങ്ങള് ഉന്നയിച്ചിട്ടുണ്ട്.
അഭി വിവാഹ വാഗ്ദാനം നല്കി വഞ്ചിച്ചുവെന്നും സ്വകാര്യ ചിത്രങ്ങളുപയോഗിച്ച് ലൈംഗിക ബന്ധത്തിന് നിര്ബന്ധിച്ചു എന്നുമാണ് യുവതിയുടെ ആത്മഹത്യ പറയുന്നത്. ഗര്ഭിണിയാണെന്നറിഞ്ഞതിന് പിന്നാലെ ഗര്ഭചിത്രം നടത്താൻ നിര്ബന്ധിച്ചെന്നും പണവും സ്വര്ണവും കൈക്കലാക്കിയെന്നും പൊലീസ് പറഞ്ഞു. യുവതിയുടെ ആണ്സുഹൃത്തിനെതിരെ ആത്മഹത്യ പ്രേരണ കുറ്റം ചുമത്തി കേസെടുത്തതായി പൊലീസ് പറഞ്ഞു.