നിർബന്ധിതമല്ലെങ്കിൽ മതപരിവർത്തനം നിരോധിക്കാനാകില്ലെന്നും ഓരോ വ്യക്തിക്കും മതം തിരഞ്ഞെടുക്കാൻ അവകാശമുണ്ടെന്നും ഡൽഹി ഹൈക്കോടതി. നിർബന്ധിത മതപരിവർത്തനത്തിനെതിരായ പൊതുതാല്പര്യ ഹർജി പരിഗണിക്കവേയാണ് ഭരണഘടനയുടെ ആർട്ടിക്കിൾ 25 പ്രകാരമുള്ള ജനങ്ങളുടെ അവകാശത്തെ സംബന്ധിച്ച് ഡൽഹി ഹൈക്കോടതിയുടെ സുപ്രധാന പരാമർശം.
മതസ്വാതന്ത്ര്യം ഭരണഘടനാപരമായ അവകാശമാണ്. ഇഷ്ടമുള്ള ഏത് മതവും തിരഞ്ഞെടുക്കാനും വിശ്വസിക്കാനും എല്ലാവർക്കും അവകാശമുണ്ട്. എന്നാല്‍ ആരെങ്കിലും മതം മാറാൻ നിർബന്ധിതനാകുകയാണെങ്കിൽ, അത് മറ്റൊരു വിഷയമാണെന്നും ജസ്റ്റിസുമാരായ സഞ്ജീവ് സച്ച്ദേവ, തുഷാർ റാവു ഗെഡേല എന്നിവരടങ്ങിയ ബെഞ്ച് അഭിപ്രായപ്പെട്ടു.
ഭീഷണിപ്പെടുത്തൽ, വഞ്ചന, അന്ധവിശ്വാസം എന്നിവയിലൂടെയുള്ള മതപരിവർത്തനം തടയാൻ കേന്ദ്രസർക്കാരിനും ഡൽഹി സർക്കാരിനും നിർദേശം നൽകണമെന്ന് ആവശ്യപ്പെട്ട് ബിജെപി നേതാവും അഭിഭാഷകനുമായ അശ്വിനി ഉപാധ്യായ സമർപ്പിച്ച ഹർജി പരിഗണിക്കുകയായിരുന്നു ബെഞ്ച്. തന്റെ ആരോപണത്തിനുള്ള തെളിവുകള്‍ സമൂഹ മാധ്യമ പ്ലാറ്റ്ഫോമുകളിൽ നിന്നുള്ള ഡാറ്റയാണെന്ന് അറിയിച്ച ഹര്‍ജിക്കാരനോട് സോഷ്യൽ മീഡിയ എന്നത് ഡാറ്റയല്ലെന്ന് കോടതി പറഞ്ഞു.
English summary;Constitutional right to choose religion: Delhi High Court
You may also like this video;
