ഉത്തരപ്രദേശില്‍ വ്യാജമദ്യം കഴിച്ച് ഒൻപത് പേർ മരിച്ചു. റായ്ബറേലിയിലെ പഹാദ്പൂർ ഗ്രാമത്തിലാണ് സംഭവം. മദ്യം കഴിച്ച 29 പേർ ഗുരുതരാവസ്ഥലയിൽ ചികിത്സയിലാണ്. മദ്യശാലയിൽ നിന്ന് മദ്യം വാങ്ങിക്കഴിച്ചവർക്കാണ് ദുരന്തമുണ്ടായത്. മദ്യപിച്ച ആളുകൾക്ക് ദേഹാസ്വാസ്ഥ്യം അനുഭവപ്പെടുകയായിരുന്നു. പലരുടെയും ആരോഗ്യനില തുര്‍ന്ന് വഷളായി. ആശുപത്രിയിൽ എത്തിക്കുമ്പോഴേക്കും രണ്ട് പേർ മരിച്ചിരുന്നു. മറ്റുള്ളവർ ചികിത്സയിലിരിക്കെയാണ് മരിച്ചത്. മദ്യശാലയുടെ ഉടമസ്ഥന്‍റെ വസതിയിൽ പൊലീസ് പരിശോധന നടത്തി. ഇവിടെ നിന്നും നിരവധി മദ്യകുപ്പികൾ കണ്ടെടുത്തിട്ടുണ്ട്. അതേസമയം കടയുടമ വ്യാജമദ്യമാണ് ആളുകൾക്ക് നൽകിയതെന്ന് മരിച്ചവരുടെ കുടുംബാംഗങ്ങൾ ആരോപിച്ചു.
ENGLISH SUMMARY:Consumed illicit liquor in Rae Bareli
You may also like this video
