വിവാദ പരാമർശം നടത്തിയ സംഭവത്തില്‍ സ്ഥലം മാറ്റിയ നടപടിക്കെതിരെ ജഡ്ജി എസ് കൃഷ്ണകുമാർ സമർപ്പിച്ച ഹർജി ഹൈക്കോടതി തള്ളി. കൊല്ലം ലേബർ കോടതിയിലേക്കുള്ള സ്ഥലം മാറ്റം നിയമവിരുദ്ധമല്ലെന്ന് ഹൈക്കോടതി വ്യക്തമാക്കി. പീഡന കേസില്‍ എഴുത്തുകാരൻ സിവിക് ചന്ദ്രന് മുൻകൂർ ജാമ്യം അനുവദിച്ചുകൊണ്ടുള്ള ഉത്തരവിലെ ജഡ്ജിയുടെ വിവാദ പരാമര്‍ശത്തിലായിരുന്നു സ്ഥലമാറ്റ നടപടി.
ലേബർ കോടതിയിലേത് ഡെപ്യൂട്ടീഷൻ തസ്തിക ആയതിനാൽ തന്റെ അനുമതി ചോദിച്ചില്ലെന്ന ജഡ്ജിയുടെ നിലപാടും വാദം കേൾക്കുന്നതിനിടെ കോടതി അംഗീകരിച്ചിരുന്നില്ല.
പരാതിക്കാരിയുടെ വസ്ത്രധാരണം പ്രകോപനകരം എന്ന് തുടങ്ങിയവയായിരുന്നു കൃഷ്ണകുമാറിന്റെ വിവാദമായ പരാമര്‍ശങ്ങള്‍. രണ്ട് ലൈംഗിക പീഡന കേസുകളിലാണ് സിവിക് ചന്ദ്രന് മുൻകൂർ ജാമ്യം ലഭിച്ചത്.
English Summary: Controversial order in Civic Chandra molestation case: hc dismiss justice krishnakumar petition
You may also like this video
