വിഷാംശം കലര്ന്ന ചുമ മരുന്നായ കോള്ഡ്രിഫ് നിര്മ്മിച്ച ശ്രീശന് ഫാര്മസ്യൂട്ടിക്കല് കമ്പനിയുടെ ലൈസന്സ് റദ്ദാക്കിയതായും കമ്പനി പൂര്ണമായും അടച്ചുപൂട്ടാന് ഉത്തരവിട്ടതായും തമിഴ്നാട് സര്ക്കാര് അറിയിച്ചു.
സംസ്ഥാന ഡ്രഗ്സ് കണ്ട്രോള് വിഭാഗം ഉദ്യോഗസ്ഥര് നടത്തിയ പരിശോധനയില് ചുമ സിറപ്പില് 48.6% ഡൈഎത്തിലീന് ഗ്ലൈക്കോള് (ഡിഇജി) എന്ന വിഷവസ്തു അടങ്ങിയിട്ടുണ്ടെന്ന് കണ്ടെത്തി. കഴിഞ്ഞ ഒരു മാസത്തിനിടെ കോള്ഡ്രിഫ് കഫ് സിറപ്പ് കഴിച്ച 22 കുട്ടികള് മരിച്ചതിനെ തുടര്ന്നാണ് നടപടി.