അമേരിക്കന്‍ കോടീശ്വരനായ ജെഫ്രി എപ്‌സ്റ്റെയിന് പ്രായപൂര്‍ത്തിയാകാത്ത പെണ്‍കുട്ടികളെ എത്തിച്ചുനല്‍കിയ കേസില്‍ മുന്‍ കാമുകിയും ബ്രിട്ടീഷുകാരിയുമായ ഗിസ്ലൈന്‍ മാക്സ് വെല്‍ കുറ്റക്കാരിയാണെന്ന് കോടതി. 14 വയസില്‍ താഴെ പ്രായമുള്ള പെണ്‍കുട്ടികളെ ജെഫ്രി എപ്സ്റ്റെയില്‍ ലൈംഗികമായി പീഡിപ്പിച്ചുവെന്ന കേസിന്റെ അന്വേഷണത്തിനിടെ 2020 ജൂലൈയിലാണ് അറുപതുകാരിയായ മാക്സ്‌വെല്‍ അറസ്റ്റിലാകുന്നത്.
മാക്സ് വെലിന്റെ ശിക്ഷ പ്രഖ്യാപിച്ചിട്ടില്ല. സാധാരണഗതിയില്‍ കുറ്റക്കാരെന്ന് കണ്ടെത്തി ആറാഴ്ചയ്ക്കുള്ളില്‍ വിധിപ്രഖ്യാപനം ഉണ്ടാകേണ്ടതാണ്. മാക്സ് വെലിന് മേല്‍ ചുമത്തപ്പെട്ട കുറ്റകൃത്യങ്ങള്‍ പരിഗണിച്ചാല്‍ ശിഷ്ടകാലം ജയിലില്‍ കഴിയേണ്ടി വന്നേക്കും. ലൈംഗിക പീ‍ഡനക്കേസില്‍ അറസ്റ്റിലായ ജെഫ്രി 2019ല്‍ ന്യൂയോര്‍ക്കിലെ ജയിലില്‍ വച്ച് ആത്മഹത്യ ചെയ്യുകയായിരുന്നു. ആന്‍ഡ്രൂ രാജകുമാരന്‍, യുഎസ് മുന്‍ പ്രസിഡന്റുമാരായ ബില്‍ ക്ലിന്റണ്‍, ഡൊണാള്‍ഡ് ട്രംപ് എന്നിവരൊക്കെ ജെഫ്രിയുടെ അടുത്ത സുഹൃത്തുക്കളായിരുന്നു.
english summary; Court finds Gisline Maxwell guilty
you may also like this video;
