ചെെനയില്‍ വീണ്ടും കോവിഡ് പകര്‍ന്ന് പിടിക്കുന്നു. കോവിഡ് വ്യാപനത്തെതുടര്‍ന്ന് ബീജിംഗ് നഗരത്തില്‍ കടുത്ത നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്. വ്യാഴാഴ്ച മാത്രം നഗരത്തിലെ കോൺഫറൻസുകളിൽ നേരിട്ട് പങ്കെടുത്ത വ്യക്തികളില്‍ 6 പേര്‍ക്ക് കോവിഡ് സ്ഥിരീകരിച്ചതിനെ തുടര്‍ന്നാണ് നിയന്ത്രണം ഏര്‍പ്പെടുത്തിയത് .ചൈനയിലെ മധ്യജില്ലകളിലാണ് അതിവേഗം കോവിഡ് പടർന്നുപിടിക്കുന്നത്.
കോവിഡ് രോഗികളുടെ എണ്ണം വർധിച്ചതിനെ തുടർന്ന് നിരവധി മാളുകളും പാർപ്പിട സമുച്ചയങ്ങളും ബെയ്ജിങ് അധികൃതർ ഇതിനകം അടച്ചുപൂട്ടി. കോൺഫറൻസുകൾക്കും ഇവന്റുകൾക്കും പുതിയ നിയന്ത്രണങ്ങൾ ഏർപ്പെടുത്തി. ഫെബ്രുവരിയിൽ നടക്കുന്ന വിന്റർ ഒളിമ്പിക്‌സിന്റെ ആതിഥേയത്വം കൂടിയാണ് ഈ നഗരം.കോൺഫറൻസുകളും മറ്റും ഓണ്‍ലെെന്‍ വഴി നടത്തണം.പൊതുസ്ഥങ്ങളിലുള്ള പരിപാടികള്‍ കഴിവതും ഒഴിവാക്കണമെന്നും ബീജിംഗ് സെന്റർ ഫോർ ഡിസീസ് പ്രിവൻഷൻ ആൻഡ് കൺട്രോൾ വൈസ് ഡയറക്ടർ പാങ് സിൻഹുവോ വ്യാഴാഴ്ച വാർത്താ സമ്മേളനത്തിൽ പറഞ്ഞു.
പ്രാദേശിക ലോക്ഡൗണുകൾ, യാത്രനിയന്ത്രണങ്ങൾ, വ്യാപക പരിശോധന തുടങ്ങിയവയിലൂടെ കോവിഡ് വ്യാപനം ചൈന വലിയതോതിൽ തടഞ്ഞിരുന്നു. എന്നാൽ ആഭ്യന്തര യാത്രകൾക്ക് അനുമതി നൽകിയതോടെ ഒരു മാസത്തിലധികമായി കോവിഡ് വ്യാപനം രൂക്ഷമാകുകയായിരുന്നു. നവംബർ 10 വരെ, ചൈനയില്‍ നിലവില്‍ 98,001 കോവിഡ് കേസുകൾ റിപ്പോർട്ട് ചെയ്തിട്ടുണ്ട്. പ്രാദേശികമായി പകരുന്ന കേസുകളും വിദേശത്ത് നിന്ന് എത്തിയവരും ഉൾപ്പെടെ, ആകെ 4,636 മരണങ്ങളാണ് ഇതുവരെ റിപ്പോര്‍ട്ട് ചെയ്യ്തത്.
english summary;covid emerged again in china
you may also like this video;
