ദേശീയ പ്രക്ഷോഭത്തിന്റെ ഭാഗമായി 7 ന് ആലപ്പുഴ ബി എസ് എൻ എൽ ഓഫീസിന് മുന്നിൽ ധർണ്ണ നടത്തുവാൻ സി പി ഐ ജില്ലാ കൗൺസിൽ യോഗം തീരുമാനിച്ചു. മരുന്ന് വില വൻതോതിൽ വർദ്ധിപ്പിച്ചതിനെതിരേയും, പെട്രോൾ, ഡീസൽ, മണ്ണെണ്ണ, പാചക വാതക വില വർദ്ധനവിനെതിരേയും, എൽ ഐ സി സ്വകാര്യവൽക്കരണത്തിനെതിരേയുമാണ് സമരം.
ജില്ലാ കൗൺസിൽ യോഗത്തിൽ എം സി സിദ്ധാർത്ഥൻ അദ്ധ്യക്ഷനായിരുന്നു. ജില്ലാ സെക്രട്ടറി ടി ജെ ആഞ്ചലോസ് റിപ്പോർട്ട് അവതരിപ്പിച്ചു. കൃഷി മന്ത്രി പി പ്രസാദ്, ജില്ലാ അസിസ്റ്റന്റ് സെക്രട്ടറിമാരായ പി വി സത്യനേശൻ, ജി കൃഷ്ണപ്രസാദ് എന്നിവർ സംസാരിച്ചു.