ചാലിയാർ പുഴയിൽ ചാടിയ നവദമ്പതികളില്‍ ഭർത്താവിന്റെ മൃതദേഹം കണ്ടെത്തി. മഞ്ചേരി കരുവമ്പ്രം ജെടിഎസ് റോഡില്‍ പുളിയഞ്ചേരി ക്വാര്‍ട്ടേഴ്‌സില്‍ കാരിമണ്ണില്‍ തട്ടാപുറത്ത് ജിതിന്റെ (31) മൃതദേഹമാണ് കണ്ടെത്തിയത്. ഫറോക്ക് പുതിയ പാലത്തില്‍ നിന്നാണ് ജിതിനും ഭാര്യ വർഷയും പുഴയിൽ ചാടിയത്. വർഷയെ രക്ഷപ്പെടുത്താൻ സാധിച്ചിരുന്നു.
സംഭവസമയം അതുവഴി വന്ന ചരക്കു ലോറി ഡ്രൈവറാണ് ദമ്പതികള്‍ പുഴയിൽ ചാടുന്നത് കണ്ട് രക്ഷപ്പെടുത്തിയത്. രാമനാട്ടുകര ഭാഗത്തു നിന്നു നഗരത്തിലേക്കു പോകുന്ന വഴിയിലാണ് ലോറി ഡ്രൈവര്‍ അപകടം നേരില്‍ കാണുന്നത്. ഉടൻ ലോറി പാലത്തില്‍ നിര്‍ത്തിയ ഡ്രൈവര്‍ വാഹനത്തില്‍ ഉണ്ടായിരുന്ന കയര്‍ എറിഞ്ഞു നല്‍കുകയായിരുന്നു. വര്‍ഷയ്ക്ക് ഇതില്‍ പിടിക്കാനായെങ്കിലും ഭര്‍ത്താവ് ജിതിനു പിടികിട്ടിയില്ല. തുടർന്ന് ജിതിനായി വിവിധ രക്ഷാസേനകളുടെ നേതൃത്വത്തില്‍ തിരച്ചില്‍ നടത്തിയെങ്കിലും കണ്ടെത്താനായില്ല.
English Summary: dead body of young man who jumped with wife found in-chaliyar
You may also like this video
