സല്മാന് ഖാന് നേരെയുള്ള വധ ഭീഷണിയുമായി ബന്ധപ്പെട്ട് യുവാവിനെ പൊലീസ് അറസ്റ്റ് ചെയ്തു. വഡോദര സ്വദേശിയായ മായങ്ക് പാണ്ഡ്യയാണ്(26) അറസ്റ്റിലായത്. ഇയാള്ക്ക് മാനസിക പ്രശ്നമുണ്ടെന്ന് സംശയമുണ്ട്. കഴിഞ്ഞ ദിവസം മുംബൈയിലെ വോർലിയിലെ ഗതാഗത വകുപ്പിലേക്ക് വാട്ട്സ്ആപ്പിലൂടെയാണ് ഭീഷണി സന്ദേശം എത്തുന്നത്. സല്മാന്റെ കാര് ബോംബ് വച്ച് പൊട്ടിക്കുമെന്നും സല്മാനെ കൊല്ലുമെന്നുമായിരുന്നു ഭീഷണി സന്ദേശം. മുംബൈ പൊലീസ് സ്റ്റേഷനിൽ ആണ് കേസ് രജിസ്റ്റർ ചെയ്ത് അന്വേഷണം ആരംഭിച്ചത്.
സല്മാന് ഖാനെതിരെ വധഭീഷണി; 26 വയസുകാരൻ അറസ്റ്റില്
