മഹാരാഷ്ട്രയില്‍ കെട്ടിടം തകര്‍ന്ന് വീണ് മരിച്ചവരുടെ എണ്ണം ആറായി. താനെ ജില്ലയിലെ ഭീവണ്ടി മേഖലയിലാണ് അപകടമുണ്ടായത്. കെട്ടിടത്തിന്റെ അവശിഷ്ടങ്ങള്‍ക്കിടയില്‍ നിന്ന് ഒരാളുടെ മൃതദേഹം കൂടി കണ്ടെടുത്തു. കെട്ടിടത്തിന്റെ അടിയില്‍ കുടുങ്ങിയ 15 പേരെ രക്ഷപ്പെടുത്തി. സ്ഥലത്ത് എത്തിയ ദേശീയ ദുരന്ത നിവാരണസേനയും അഗ്നിരക്ഷാസേനയും കൂടുതല്‍ പേര്‍ കുടുങ്ങി കിടപ്പുണ്ടോ എന്ന് പരിശോധിക്കുന്നുണ്ട്.
ശനിയാഴ്ച ഉച്ചക്കാണ് മൂന്നുനില കെട്ടിടം തകര്‍ന്ന് വീണത്. സംഭവത്തില്‍ കെട്ടിട ഉടമയായ ഇന്ദ്രപാല്‍ പട്ടേലിനെതിരെ നര്‍പോളി പൊലീസ് കേസ് രജിസ്റ്റര്‍ ചെയ്തിട്ടുണ്ട്. അപകടസ്ഥലം സന്ദര്‍ശിച്ച മുഖ്യമന്ത്രി ഏക്നാഥ് ഷിന്‍ഡെ മരിച്ചവരുടെ കുടുംബത്തിന് അഞ്ച് ലക്ഷം രൂപ വീതം ധനസഹായവും പരിക്കേറ്റവര്‍ക്ക് സൗജന്യ ചികിത്സയും പ്രഖ്യാപിച്ചു.
English Summary;Death toll rises to six due to building collapse in Maharashtra
You may also like this video
