ജനാധിപത്യരീതിയിലാണ് കമ്മ്യൂണിസ്റ്റ് പാര്‍ട്ടിയില്‍ കാര്യങ്ങള്‍ തീരുമാനിക്കുന്നതെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. സ്ഥാനാര്‍ത്ഥിത്വം സംബന്ധിച്ച് പാര്‍ട്ടിയില്‍ പല പേരുകള്‍ ഉയര്‍ന്നുവരാം. അതെല്ലാം ചര്‍ച്ച ചെയ്താണ് കൂട്ടായി തീരുമാനമെടുക്കുന്നത്. സിപിഐ സ്ഥാനാര്‍ത്ഥിയെ തീരുമാനിക്കാനുള്ള അവകാശം സിപിഐക്ക് വിട്ടുതരണമെന്നും അതില്‍ മാധ്യമങ്ങള്‍ക്കുള്ള അമിതോല്‍ക്കണ്ഠ അംഗീകരിക്കുന്നില്ലെന്നും ബിനോയ് വിശ്വം പറഞ്ഞു.
രാജ്യസഭാ സീറ്റ് വിട്ടുകൊടുക്കാനുള്ള തീരുമാനം എല്‍ഡിഎഫിന്റെ ഐക്യത്തിനുവേണ്ടി സിപിഐ(എം) ചെയ്ത വലിയ വിട്ടുവീഴ്ചയായി സിപിഐ കാണുന്നു. എല്‍ഡിഎഫിന്റെ താല്പര്യങ്ങളെയും ഐക്യത്തെയും ഉയര്‍ത്തിപ്പിടിച്ചുകൊണ്ട് ആ പാര്‍ട്ടി എടുത്ത രാഷ്ട്രീയ തീരുമാനം അങ്ങേയറ്റം ശ്ലാഘനീയമാണെന്നും അദ്ദേഹം പറഞ്ഞു.
English Summary:Deciding party matters democratically: Binoy Viswam
You may also like this video
