ബംഗളൂരുവിലെ യശ്വന്ത്പുര്‍ റെയില്‍വേ സ്റ്റേഷനില്‍ വീപ്പയ്ക്കുള്ളില്‍ സ്ത്രീയുടെ അഴുകിയ നിലയിലുള്ള മൃതദേഹം കണ്ടെത്തി. ബുധനാഴ്ച രാവിലെ പ്ലാറ്റ്‌ഫോം നമ്പര്‍ ഒന്നില്‍ ശുചീകരണ തൊഴിലാളികളാണ് മൃതദേഹം കണ്ടത്. വീപ്പയ്ക്കുള്ളില്‍ മൃതദേഹം ആക്കിയ ശേഷം വസ്ത്രങ്ങള്‍ മുകളില്‍ കുത്തിനിറച്ചിരുന്നു. മൃതദേഹം കണ്ടയുടന്‍ തന്നെ ശുചീകരണ തൊഴിലാളികള്‍ റെയില്‍വേ പൊലീസിനെ വിവരം അറിയിക്കുകയായിരുന്നു. സ്ഥലത്ത് എത്തിയ ഫോറന്‍സിക് വിദഗ്ദ്ധര്‍ പരിശോധന നടത്തി. ഏകദേശം 20 വയസ്സിന് മുകളില്‍ പ്രായമുള്ള സ്ത്രീയാണ് മരിച്ചതെന്ന് അധികൃതര്‍ പറയുന്നു. അതേസമയം ആളെ തിരിച്ചറിഞ്ഞിട്ടില്ല. സംഭവത്തില്‍ റെയില്‍വേ പൊലീസ് കേസെടുത്ത് അന്വേഷണം ആരംഭിച്ചതായി ദക്ഷിണ റെയില്‍വേ ബെംഗളൂരു ഡിവിഷന്‍ അഡീഷണല്‍ മാനേജര്‍ കുസുമ ഹരിപ്രസാദ് പറഞ്ഞു.
English Summary;Decomposing body of woman inside barrel at Bangalore railway station
You may also like this video
