ഒരു സമുദായത്തെ മുഴുവൻ അപകീർത്തിപ്പെടുത്തുന്ന തരത്തില്‍ പരാമർശം നടത്തിയെന്നാരോപിച്ച് ബിജെപി എംഎൽഎ ടി രാജ സിംഗിനെതിരെ കേസെടുത്തു. തെലങ്കാനയിലെ കൊത്തകോട്ട പൊലീസാണ് കേസ് രജിസ്റ്റര്‍ ചെയ്തിരിക്കുന്നത്. ഗോഷാമഹൽ മണ്ഡലത്തിലെ എംഎൽഎയാണ് ടി രാജ.
ഈ മാസം 23 ന് ശിവാജി മഹാരാജ് പ്രതിമ ഉദ്ഘാടന പരിപാടിയിൽ പങ്കെടുക്കവെയായിരുന്നു സിങ് മോശം പദപ്രയോഗം സിങ് നടത്തിയത്. തുടര്‍ന്ന് 25ന് മുസ്ലിം വിഭാഗത്തില്‍പ്പെട്ട ചിലര്‍ ഇയാള്‍ക്കെതിരെ പരാതി നൽകിയിരുന്നു. സെക്ഷൻ 295 എ പ്രകാരമാണ് കേസ് രജിസ്റ്റർ ചെയ്തതെന്ന് കോതകോട്ട പൊലീസ് സ്റ്റേഷനിലെ സബ് ഇൻസ്പെക്ടർ മഞ്ജുനാഥ് റെഡ്ഡി പറഞ്ഞു.
അതിനിടെ, തെലങ്കാനയിലെ സിദ്ദിപേട്ടിൽ ചൊവ്വാഴ്ച ബിജെപിയുടെയും കോൺഗ്രസ് പാർട്ടിയുടെയും പ്രവർത്തകർ തമ്മിൽ ഏറ്റുമുട്ടി.
English Summary: Defamation of community: Case filed against BJP leader Raja Singh
You may also like this video
