ഡല്‍ഹിയിലെ ചാന്ദ്‌നി ചൗക്കില്‍ ഇന്ന് പുലര്‍ച്ചെയുണ്ടായ തീപിടിത്തത്തില്‍ 60ലധികം കടകള്‍ കത്തിനശിച്ചതായി റിപ്പോര്‍ട്ട്. അഗ്നിശമന സേനയുടെ 12 യൂണിറ്റുകള്‍ മണിക്കൂറുകളോളം നടത്തിയ പരിശ്രമത്തെ തുടര്‍ന്നാണ് തീ അണയ്ക്കാനായത്.
അതേസമയം, ആര്‍ക്കും പരിക്കേറ്റതായി ഇതുവരെ റിപ്പോര്‍ട്ട് ചെയ്തിട്ടില്ല. ചെങ്കോട്ടയ്ക്ക് എതിർവശത്ത് സ്ഥിതി ചെയ്യുന്ന ലജ്പത് റായ് മാർക്കറ്റിൽ പുലർച്ചെ 4.45 ഓടെയാണ് തീപിടിത്തമുണ്ടായത്. ചെറിയ കടകളുടെ ഒരു നിര മുഴുവൻ കത്തിനശിച്ചിരുന്നു. അഗ്നിശമന സേനാംഗങ്ങൾക്കൊപ്പം പ്രദേശവാസികളും രക്ഷാപ്രവർത്തനത്തിന് സഹകരിച്ചിരുന്നു. തീപിടിത്തത്തിന് കാരണമെന്തന്ന് വ്യക്തതയില്ല.
english summary; Delhi fire; More than 60 shops were fired
you may also like this video;
