ഡൽഹിയിൽ വെള്ളക്കെട്ടിൽ വീണ് മുന്നുപേർ മരിച്ചു. ദ്വാരക സെക്ടർ 23ൽ ഗോൾഫ് കോഴ്സിൽ കഴിഞ്ഞ ദിവസംരാത്രിയിലായിരുന്നു സംഭവം. അരുൺ, അനുജ്, അഭിഷേക് എന്നിവരാണ് മരിച്ചത്. വൈകിട്ട് വീട്ടിലേക്ക് മടങ്ങുന്ന വഴി നിർമ്മാണം നടക്കുന്ന ഗോൾഫ് കോഴ്സിൽ കെട്ടിക്കിടക്കുന്ന വെള്ളത്തിൽ കളിക്കാനിറങ്ങിയപ്പോഴായിരുന്നു അപകടം.
കഴിഞ്ഞ ദിവസം ഉച്ചയ്ക്ക് മുകുന്ദ്പുരിലും മൂന്ന് പേർ വെള്ളക്കെട്ടിൽ വീണ് മരിച്ചിരുന്നു. മെട്രോ നിർമ്മാണ പ്രദേശത്തുള്ള വെള്ളക്കെട്ടിൽ കുളിക്കാനിറങ്ങിയതായിരുന്നു കുട്ടികൾ. പിയുഷ് (13), നിഖിൽ (10), ആശിഷ് (13) എന്നിവരാണ് മരിച്ചത്. ഇതോടെ കഴിഞ്ഞദിവസം മാത്രം മരിച്ചത് ആറുപേരാണ്.
യമുനാ നദി കരകവിഞ്ഞൊഴുകുന്നുണ്ട്. നദീതീരത്തുള്ള പ്രധാനപ്രദേശങ്ങളിലൊക്കെ വെള്ളക്കെട്ട് തുടരുകയാണ്. 206.02 മീറ്ററാണ് രാവിലെ എട്ട് മണിയ്ക്ക് യമുനയുടെ ജലനിരപ്പ്. നിലവിൽ വെള്ളം കുറഞ്ഞു വരികയാണെന്നാണ് വിവരം.
English Summary: Delhi floods: 3 teenagers die while swimming in flood water
You may also like this video
