സ്വകാര്യതാ നയത്തിൽ വിശദീകരണം നൽകാൻ വാട്സ് ആപ്പിനും ഫേസ്ബുക്കിനും ഡൽഹി ഹൈക്കോടതി കൂടുതൽ സമയം അനുവദിച്ചു. ജസ്റ്റിസുമാരായ ഡി എൻ പട്ടേൽ, ജ്യോതി സിങ് എന്നിവരുൾപ്പെട്ട ഡിവിഷൻ ബെഞ്ചിന്റെതാണ് നടപടി. സ്വകാര്യതാ നയത്തിൽ വിശദീകരണം ആവശ്യപ്പെട്ടുകൊണ്ടുള്ള കോമ്പറ്റീഷൻ കമ്മിഷന്റെ നോട്ടീസിനെതിരെ വാട്സ് ആപ്പും ഫേസ്ബുക്കും നൽകിയ ഹർജികൾ നേരത്തെ സിംഗിൾ ബെഞ്ച് തള്ളിയിരുന്നു. ഈ ഉത്തരവ് ചോദ്യം ചെയ്തുകൊണ്ടുള്ള ഹർജി പരിഗണിക്കവെയായിരുന്നു ഡിവിഷൻ ബെഞ്ചിന്റെ നടപടി. ഹര്‍ജിയില്‍ മാര്‍ച്ച് 30ന് വീണ്ടും വാദം കേള്‍ക്കും.
ENGLISH SUMMARY:Delhi High Court gives more time to WhatsApp and Facebook
You may also like this video
