ഡല്‍ഹി മദ്യനയ അഴിമതിയിൽ ഇഡി അറസ്റ്റ് ചെയ്ത ഡൽഹി മുഖ്യമന്ത്രി അരവിന്ദ് കെജ്രിവാളിനെ സ്ഥാനത്തുനിന്ന് നീക്കണമെന്ന ഹർജി തള്ളി ഡൽഹി ഹൈക്കോടതി. ജനാധിപത്യം അതിന്റെ വഴിക്കു നീങ്ങട്ടെയെന്നു വ്യക്തമാക്കിയാണ് ഹൈക്കോടതി പൊതുതാൽപര്യ ഹർജിയിൽ ഇടപെടാൻ വിസമ്മതിച്ചത്. ചീഫ് ജസ്റ്റിസ് മൻമോഹൻ അധ്യക്ഷനായ ബെഞ്ചാണ് ഹർജി തള്ളിയത്.
കെജ്‌രിവാളിൻറെ അറസ്റ്റോടെ ഡൽഹിയിൽ ഭരണസ്തംഭനമാണെന്നും ഭരണഘടനാ പ്രതിസന്ധിയാണെന്നും കാണിച്ചാണ് ഹർജി നൽകിയത്. എന്നാൽ ഇത് കോടതി തീരുമാനിക്കേണ്ട വിഷയമല്ലെന്ന് ബെഞ്ച് വ്യക്തമാക്കി. സമാനമായ ഹർജികൾ മുമ്പും കോടതി തള്ളിയിരുന്നു.
മദ്യനയ അഴിമതിയുമായി ബന്ധപ്പെട്ട് മാർച്ച് 21ന് ഇഡി അറസ്റ്റ് ചെയ്ത കെജ്‌രിവാൾ നിലവിൽ തിഹാർ ജയിലിലാണ്. 15 വരെയാണ് കെജ്രിവാളിനെ ജുഡീഷ്യൽ കസ്റ്റഡിയിൽ വിട്ടിട്ടുള്ളത്.
English Summary:Delhi High Court rejects Kejriwal’s plea to remove him as Chief Minister
You may also like this video
