ഭരണഘടനാ ശില്പി ഡോ. ബി ആര്‍ അംബേദ്കറുടെ തത്വശാസ്ത്ര സംബന്ധിയായ പാഠഭാഗം ഒഴിവാക്കാന്‍ ഡല്‍ഹി സര്‍വകലാശാല സ്റ്റാന്റിങ് കമ്മിറ്റി തീരുമാനം. ദേശീയ വിദ്യാഭ്യാസ നയത്തിന്റെ ഭാഗമായാണ് തീരുമാനം. നടപടി പിന്‍വലിക്കണമെന്നും ഇത്തരം നീക്കം അനുവദിക്കില്ലെന്നും കാട്ടി തത്വശാസ്ത്ര വിഭാഗം അധ്യാപകരും വിദ്യാര്‍ത്ഥികളും രംഗത്ത് വന്നു.
ബിരുദ- ബിരുദാനന്തര കോഴ്സുകളിലെ സിലബസില്‍ നിന്നാണ് പാഠഭാഗം ഒഴിവാക്കുന്നത്. ബിഎ തത്വശാസ്ത്ര വിഭാഗത്തിലെ പാഠപുസ്തകത്തില്‍ നിന്ന്, രാജ്യം ആരാധിക്കുന്ന മഹാനായ അംബേദ്കറുടെ പാഠഭാഗം ഒഴിവാക്കാനുള്ള ഒരു നീക്കവും അംഗീകരിക്കില്ലെന്ന് അവര്‍ പറഞ്ഞു.
10, 12 ക്ലാസുകളിലെ പാഠപുസ്തകത്തില്‍ നിന്ന് ഗാന്ധിജി, മുഗള്‍ സാമ്രാജ്യം, ഗുജറാത്ത് കലാപം എന്നിവ ഒഴിവാക്കിയ നടപടിക്ക് സമാനമായി നടത്തുന്ന സിലബസ് പരിഷ്കരണം സര്‍വകലാശാലയില്‍ വിലപ്പോവില്ലെന്ന് വിദ്യാര്‍ത്ഥികളും അധ്യാപകരും പറഞ്ഞു. എന്നാല്‍ പാഠഭാഗം പിന്‍വലിക്കാന്‍ തീരുമാനിച്ചിട്ടില്ലെന്നും അത്തരമൊരു നിര്‍ദേശം സമിതിക്ക് മുന്നില്‍ വന്നതേയുള്ളുവെന്നും സ്റ്റാന്റിങ് കമ്മിറ്റി തലവന്‍ ബല്‍റാം പാനി പറഞ്ഞു. പുതിയ കോഴ്സുകളും പഴയ കോഴ്സുകളും സംയോജിപ്പിക്കുകയാണ് ചെയ്തതെന്നും അദ്ദേഹം വിശദീകരിച്ചു.
English Summary;Delhi University has dropped Ambedkar’s course
You may also like this video
