പാലക്കാട് ധോണിയിൽ വീണ്ടും കാട്ടാനയിറങ്ങി. തിങ്കളാഴ്‌ച രാത്രിയാണ് കൊമ്പൻ അരിമണി ഭാഗത്ത് ഇറങ്ങിയത്. വാഴയും തെങ്ങും നെല്ലും നശിപ്പിച്ച കൊമ്പൻ മണിക്കൂറുകളോളം ജനവാസമേഖലയിൽ തുടർന്നു. പി ടി7 പിടികൂടിയതിന് പിന്നാലെയാണ് കാട്ടാനയിറങ്ങിയത്.
ധോണിയിൽ ക്യാമ്പ് ചെയ്യുന്ന ദ്രുതപ്രതികരണ സേന അരിമണിയിലെത്തി ആനയെ കാട്ടിലേക്ക് കയറ്റി. ധോണിയിലെ ജനങ്ങള്‍ ആശങ്കയിലാണ്. പ്രദേശത്ത് ദ്രുതപ്രതികരണ സേന നിലയുറപ്പിച്ചു കഴിഞ്ഞു. നാട്ടുകാർ ബഹളം വച്ചും പടക്കം പൊട്ടിച്ചും ആനയെ ജനവാസ മേഖലയിൽ നിന്ന് ഓടിച്ചത്. പി ടി സെവന്‍ വരുന്ന അതേ പ്രദേശങ്ങളിലാണ് കൊമ്പനെത്തിയത്.
English Summary:Dhoni is back in the wild
You may also like this video
