വിദ്യാർത്ഥികൾക്ക് മുന്നിൽ നഗ്നതാ പ്രദർശനം നടത്തിയെന്ന കേസിൽ സ്കൂൾ അധ്യാപകന്റെ മുൻകൂർ ജാമ്യാപേക്ഷ കോടതി തള്ളി. അത്തോളിയിലെ ഹൈസ്കൂൾ അധ്യാപകനായ വി കെ ദിലീപിന്റെ മുൻകൂർ ജാമ്യാപേക്ഷയാണ് കോഴിക്കോട് ജില്ലാ സെഷൻസ് കോടതി തള്ളിയത്.
അധ്യാപകൻ നഗ്നതാ പ്രദർശനം നടത്തിയെന്ന് കാണിച്ച് സ്കൂളിലെ ഏഴാം ക്ലാസ് വിദ്യാർത്ഥികളാണ് പ്രധാനാധ്യാപികയ്ക്ക് പരാതി നൽകിയത്. തുടർന്ന് പ്രധാനാധ്യാപിക അത്തോളി പൊലീസിന് പരാതി കൈമാറി.
സംഭവത്തിൽ മൂന്ന് കുട്ടികളുടെ മൊഴി രേഖപ്പെടുത്തിയ പൊലീസ്, പോക്സോ നിയമപ്രകാരമാണ് അധ്യാപകനെതിരെ കേസെടുത്തത്. പൊലീസ് കേസെടുത്തതിന് പിന്നാലെയാണ് അധ്യാപകൻ മുൻകൂർ ജാമ്യാപേക്ഷയുമായി കോടതിയെ സമീപിച്ചത്.
English summary;display of nudity in front of students; The teacher’s anticipatory bail application was rejected
You may also like this video;
