കായംകുളത്ത് അയല്‍വാസികള്‍ തമ്മിലുണ്ടായ തര്‍ക്കത്തില്‍ മൂന്ന് സ്ത്രീകള്‍ക്ക് കൈക്ക് വെട്ടേറ്റു. മുലേശേരിയില്‍ ക്ഷേത്രത്തിന് സമീപമാണ് സംഭവം നടന്നത്. കീരിക്കാട് ബിനോയ് ഭവനത്തിൽ മിനി എന്ന കൊച്ചുമോൾ (49) അബലശ്ശേരിൽ സ്മിത (34), നന്ദു ഭവനത്തിൽ നീതു (19), എന്നിവർക്കാണ് പരിക്കേറ്റത്.
സമീപ പ്രദേശത്ത് വാടകയ്ക്ക് താമസിക്കുന്ന ബിജുവെന്നയാളും മറ്റ് രണ്ടു പേരും ചേർന്നാണ് ഇവരെ വെട്ടിയതെന്ന് പൊലീസ് പറഞ്ഞു.
പറമ്പിലെ മാങ്ങ പറിക്കുന്നതുമായി ബന്ധപ്പെട്ട തർക്കമാണ് ആക്രമണത്തിലേക്ക് നയിച്ചത്. എന്നാല്‍ രണ്ട് ദിവസം മുമ്പ് പൊലീസ് വിഷയം പരിഹാരിച്ചിരുന്നെങ്കിലും ബിജുവിന്റെ നേതൃത്വത്തിലെത്തിയ മൂന്നംഗ സംഘം വെട്ടുകയായിരുന്നു എന്ന് പരിക്കേറ്റ സ്ത്രീകൾ പൊലീസിന് മൊഴി നല്‍കി.
അതേ സമയം പ്രതികൾ ഒളിവിലാണ്.ഇവരെ പിടികൂടുന്നതിനു വേണ്ടി കായംകുളം സർക്കിൾ ഇൻസ്പെക്ടർ മുഹമ്മദ് ഷാഫിയുടെ നേതൃത്വത്തിൽ അന്വേഷണം ഊർജിതമാക്കി. പരിക്കേറ്റവരെ കായംകുളം താലൂക്കാശുപത്രിയിലും പിന്നീട് വണ്ടാനം മെഡിക്കൽ കോളേജിലും പ്രവേശപ്പിച്ചിരിക്കുകയാണ്.
English Summary:dispute over mango picking; Three women were hacked in Kayamkulam
You may also like this video
