ചാരുംമൂട് പബ്ളിക് ലൈബ്രറി ചാരുംമൂട് എക്സലന്റ് സ്റ്റഡി സെന്ററിന്റെ സഹകരണത്തോടെ നടത്തിയ വിദ്യാഭ്യാസ അവാർഡു വിതരണവും അനുമോദനവും എംഎസ് അരുൺ കുമാർ എംഎൽഎ ഉദ്ഘാടനം ചെയ്തു. ലൈബ്രറി പ്രസിഡന്റ് രാജു മോളേത്ത് അധ്യക്ഷത വഹിച്ചു. എസ് എസ് എൽ സി പരീക്ഷയിൽ എ പ്ലസ് വിജയം നേടിയ വിദ്യാർത്ഥികളെ ഗ്രാമപഞ്ചായത്ത് പ്രസിഡന്റ് കെ ആർ അനിൽകുമാർ വിദ്യാഭ്യാസ അവാർഡുകൾ നൽകി അനുമോദിച്ചു.
ബ്ലോക്ക് പഞ്ചായത്തംഗം സിനൂഖാൻ, പഞ്ചായത്തംഗം ഷക്കീല നാമ്പർ, ലൈബ്രറി സെക്രട്ടറി എച്ച് ഷൗക്കത്ത് കോട്ടുക്കലിൽ, എക്സിക്യൂട്ടീവ് അംഗം ജി വാസവൻ, എക്സലന്റ് സ്റ്റഡി സെന്റർ കോ — ഓർഡിനേറ്റർ ഇ വി ഗോപാലകൃഷ്ണൻ, വനിതാവേദി സെക്രട്ടറി സലീന സലിം, ലൈബ്രറി ജോയിന്റ് സെക്രട്ടറി കെ ശിവരാമൻ എന്നിവർ സംസാരിച്ചു.