“നമുക്ക് അവനെ കിട്ടിയെന്ന് ഞാൻ കരുതുന്നു” വലതുപക്ഷ രാഷ്ട്രീയ പ്രവർത്തകൻ ചാർളി കിർക്കിനെ വെടിവച്ചു കൊന്ന കേസിൽ ഒരു പ്രതിയെ കസ്റ്റഡിയിലെടുത്തതായി യുഎസ് പ്രസിഡന്റ് ഡൊണാൾഡ് ട്രംപ് പറഞ്ഞു.
യൂട്ടാ വാലി യൂണിവേഴ്സിറ്റിയിലെ ഒരു സംവാദത്തിൽ കിർക്ക് സംസാരിക്കുമ്പോഴാണ് 31 കാരനായ ചാര്ളി കിക്കിന് വെടിയേറ്റത്. ഒരു വെടിവയ്പ്പുകാരൻ മേൽക്കൂരയിൽ നിന്ന് ഒരു റൗണ്ട് വെടിയുതിർത്തുവെന്നും അത് ലക്ഷ്യം വച്ചുള്ള കൊലപാതകത്തിൽ അദ്ദേഹത്തിന്റെ കഴുത്തിൽ മാരകമായി വെടിയേറ്റുവെന്നും അധികൃതർ പറഞ്ഞു. അമേരിക്കൻ പ്രസിഡന്റ് ഡൊണൾഡ് ട്രംപിന്റെ അടുത്ത അനുയായിയും, ടേണിങ് പോയിന്റ് യുഎസ്എ എന്ന സംഘടനയുടെ സ്ഥാപകനുമാണ് കഴിഞ്ഞ ദിവസം വെടിയേറ്റ് കൊല്ലപ്പെട്ട ചാർളി കിർക്ക്
ചാർളി കിർക്കിന്റെ കൊലപാതകിയെന്ന് സംശയിക്കുന്ന ആളെ പിടികൂടിയതായി സംശയമില്ലാതെ പറയാണെന്നാണ് അമേരിക്കൻ പ്രസിഡന്റെ ഡൊണാൾഡ് ട്രംപ് ഫോക്സ് ന്യൂസിനോട് വിശദമാക്കിയത്. അവൻ കുറ്റക്കാരനാണെന്ന് കണ്ടെത്തുമെന്ന് ഞാൻ കരുതുന്നു — അയാൾക്ക് വധശിക്ഷ ലഭിക്കുമെന്ന് ഞാൻ പ്രതീക്ഷിക്കുന്നു.“ചാർളി കിർക്ക്, അദ്ദേഹം ഏറ്റവും മികച്ച വ്യക്തിയായിരുന്നു, ഇതിന് അദ്ദേഹം അർഹനല്ല. അദ്ദേഹം വളരെ കഠിനാധ്വാനം ചെയ്തു, നന്നായി പ്രവർത്തിച്ചു, എല്ലാവർക്കും അദ്ദേഹത്തെ ഇഷ്ടപ്പെട്ടു,” യുഎസ് പ്രസിഡന്റ് പറഞ്ഞു.