സ്ത്രീധനം ആവശ്യപ്പെട്ട ഭര്‍തൃവീട്ടുകാര്‍ തന്നെ ശാരീരികമായി ഉപദ്രവിക്കുന്നതായി ബേട്ടി ബച്ചാവോ ബേഠി പഠാവോയുടെ ബ്രാൻഡ് അംബാസഡറും ഗുസ്തി താരവുമായ റാണി റാണ. മധ്യപ്രദേശിലെ ഗ്വാളിയർ സ്വദേശിയായ വനിതാ ഗുസ്തി താരമാണ് റാണി. ശാരീരികവും മാനസീകവുമായി ഭര്‍തൃവീട്ടുകാര്‍ തന്നെ നിരന്തരം പീഡിപ്പിക്കുന്നതായി റാണി പൊലീസില്‍ പരാതി നല്‍കി. ജിമ്മിന്റെ ഡയറക്ടറാണ് റാണിയുടെ ഭര്‍ത്താവ്. മറ്റൊരു ജിം കൂടി തുറക്കാന്‍ കൂടുതല്‍ സ്ത്രീധനം വേണമെന്ന് ആവശ്യപ്പെട്ടാണ് റാണിയെ ഇയാള്‍ ക്രൂരമായി മര്‍ദ്ദിച്ചതെന്നും പരാതിയില്‍ പറയുന്നു.
ദേശീയ ഗുസ്തി ടൂർണമെന്റിൽ സ്വർണമടക്കം നിരവധി മെഡലുകൾ നേടിയിട്ടുള്ള താരമാണ് റാണി.
സംഭവത്തില്‍ ഭർത്താവിനും ഭര്‍ത്താവിന്റെ മാതാപിതാക്കള്‍ക്കുമെതിരെ വിവിധ വകുപ്പുകൾ പ്രകാരം കേസ് രജിസ്റ്റർ ചെയ്യുകയും അന്വേഷണം ആരംഭിക്കുകയും ചെയ്തു.
English Summary: Dowry harassment: Wrestler, brand ambassador of ‘Beti Padhao Beti Bachao’ files complaint
You may also like this video
