സംസ്ഥാന ഭക്ഷ്യ കമ്മിഷന്റെ ചെയർമാനായി ഡോ. ജിനു സഖറിയ ഉമ്മൻ ചുമതലയേറ്റു. സെക്രട്ടേറിയറ്റ് സൗത്ത് കോൺഫറൻസ് ഹാളിൽ നടന്ന ചടങ്ങിൽ ഭക്ഷ്യ പൊതുവിതരണ മന്ത്രി ജി ആർ അനിൽ സത്യവാചകം ചൊല്ലിക്കൊടുത്തു.
പി പി സുനീർ എംപി, ഐടി സെക്രട്ടറി രത്തൻ ഖേൽക്കർ, സിവിൽ സപ്ലൈസ് കമ്മിഷണർ മുകുന്ദ് ഠാക്കൂർ, പിഎസ്‌സി അംഗം എസ് വിജയകുമാരൻ നായർ, ഭക്ഷ്യ കമ്മിഷൻ അംഗം സബിതാ ബീഗം, ലീഗൽ മെട്രോളജി കൺട്രോളർ അബ്ദുൾ ഖാദർ എന്നിവർ സംബന്ധിച്ചു. ഡോ. ജിനു സഖറിയ ഉമ്മൻ തിരുവനന്തപുരത്തെ ഇന്റർനാഷണൽ ഇൻസ്റ്റിറ്റ്യൂട്ട് ഫോർ മൈഗ്രേഷൻ ആന്റ് ഡെവലപ്മെന്റിൽ (ഐഐഎംഎഡി) വിസിറ്റിങ് പ്രൊഫസറും ന്യൂഡൽഹിയിലെ മിഡിൽ ഈസ്റ്റ് ഇൻസ്റ്റിറ്റ്യൂട്ടിൽ ഓണററി ഫെലോയുമാണ്.