മദ്യ ലഹരിയില്‍ ആംബുലന്‍സ് ഓടിച്ച് അപകടമുണ്ടാക്കിയ ഡ്രൈവറെ അറസ്റ്റ് ചെയ്തു. വെഞ്ഞാറമൂട് പൊലീസാണ് കേശവദാസപുരം സ്വദേശി ഡ്രൈവര്‍ മിഥുനെ അറസ്റ്റ് ചെയ്തത്. ഇയാള്‍ ഓടിച്ച ആംബുലന്‍സ് നിരവധി വാഹനങ്ങളെ ഇടിച്ചതിനുശേഷം നിര്‍ത്താതെ പോകുകയായിരുന്നു. ആംബുലന്‍സിനെ നാട്ടുകാര്‍ പിന്തുടര്‍ന്ന് പിടികൂടി.
ബുധനാഴ്ച രാത്രി 11ഓടെ വെഞ്ഞാറമൂട് ഭാഗത്ത് നിന്നും അമിത വേഗതയില്‍ എത്തിയ ആംബുലന്‍സ് എതിരെ വരികയായിരുന്ന അടൂര്‍ സ്വദേശികള്‍ സഞ്ചരിച്ചിരുന്ന വാഹനത്തില്‍ ഇടിച്ചത്. നിര്‍ത്താതെ പോയ ആംബുലന്‍സ് ഡ്രൈവറെ പ്രദേശവാസികള്‍ കോലിയക്കോട് കലുങ്ക് ജംഗ്ഷന് സമീപത്തുവച്ച് പിന്തുടര്‍ന്ന് പിടികൂടി. വൈദ്യ പരിശോധനയില്‍ ഡ്രൈവര്‍ അമിത മദ്യലഹരിയില്‍ ആയിരുന്നു എന്ന് കണ്ടെത്തി.
English summary; Driving an ambulance under the influence of alcohol caused an accident; The driver was arrested
You may also like this video;
