സ്വാതന്ത്ര്യദിനത്തില്‍ സര്‍ക്കാര്‍ കോളജില്‍ മയക്കുമരുന്ന് വിതരണം; സംഘത്തെ പിടികൂടാനാകാതെ പൊലീസ്, വീഡിയോ

75-ാം സ്വാതന്ത്ര്യദിനാഘോഷ ചടങ്ങുകള്‍ക്ക് ശേഷം സര്‍ക്കാര്‍ സ്കൂളില്‍ മയക്കുമരുന്ന് വിതരണം. രാജസ്ഥാനിലെ ബാർമറിലെ ഗുഡമലാനി പ്രദേശത്തെ സർക്കാർ സ്‌കൂളിലാണ് സംഭവം. സ്വാതന്ത്ര്യാദിനാഘോഷത്തിന് ശേഷം സ്കൂളിലെത്തിയ 12 അംഗസംഘമാണ് മയക്കുമരുന്ന് വിതരണം ചെയ്തത്. കറുപ്പ്, പോപ്പി ഉള്‍പ്പെടെയുള്ള നിരോധിത ഉല്‍പ്പന്നങ്ങളാണ് ഇവര്‍ ഉപയോഗിച്ചതെന്ന് പൊലീസ് പറഞ്ഞു.

സ്കൂള്‍ കോമ്പൗണ്ടിനുള്ളിലിരുന്ന് മയക്കുമരുന്ന് ഉപയോഗിക്കുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രത്യക്ഷപ്പെട്ടിരുന്നു.
തുടര്‍ന്ന് പൊലീസ് സ്ഥലത്തെത്തി അന്വേഷണം ആരംഭിക്കുകയും ചെയ്തു. അതേസമയം സംഭവം അറിഞ്ഞ് അധ്യാപകർ സ്‌കൂളിൽ എത്തിയപ്പോൾ അവിടെ ആരും ഉണ്ടായിരുന്നില്ലെന്നാണ് ഉദ്യോഗസ്ഥർ പറയുന്നത്. സംഭവത്തില്‍ വിദ്യാർത്ഥികളുടെയും അധ്യാപകരുടെയും മൊഴി രേഖപ്പെടുത്തുമെന്നും പ്രതികളെ ഉടൻ കണ്ടെത്തുമെന്നും പൊലീസ് വ്യക്തമാക്കി.

Eng­lish Sum­ma­ry: Drug Dis­tri­b­u­tion in Govt Col­lege on Inde­pen­dence Day

You may like this video also