അന്തർസംസ്ഥാനങ്ങളിൽനിന്ന് മയക്കുമരുന്ന് കടത്തിക്കൊണ്ടു വന്ന് വിൽപന നടത്തുന്ന യുവാവ് അറസ്റ്റിൽ. ആലപ്പുഴ മുനിസിപ്പൽ ഇരവുകാട് വാർഡിൽ ത്രിമൂർത്തി ഭവനിൽ രഞ്ജിത്താണ് (മോനായി ‑29) പിടിയിലായത്. 2016ൽ ആലപ്പുഴ മെഡിക്കൽ കോളജ് പരിസരത്തുനിന്ന് ഒരുകിലോ കഞ്ചാവ് പിടികൂടിയ കേസിലും 2022ൽ വീട്ടിൽനിന്ന് 13 ഗ്രാം എംഡിഎംഎയും കഞ്ചാവും മയക്കുഗുളികകളും സ്ഫോടകവസ്തുക്കളും പിടികൂടിയ കേസിലുമുൾപ്പെടെ അഞ്ചോളം കേസിൽ പ്രതിയാണ്.
ഡിവൈ എസ് പി ജയരാജിന്റെ നിർദേശാനുസരണം സൗത്ത് സ്റ്റേഷൻ ഓഫിസർ അരുണിന്റെ നേതൃത്വത്തിൽ എസ് ഐമാരായ റെജിരാജ്, അനു എസ് നായർ, മോഹൻകുമാർ, സീനിയർ സി പി ഒ ബിനോജ്, സി പി ഒ വിപിൻദാസ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
English Sammury: Narcotics brought from interstate and sold The youth is under arrest
