വീടിന്റെ ശുചീകരണപ്രവര്‍ത്തനങ്ങള്‍ക്കിടെ വീടിന്റെ കട്ടളക്കിടയില്‍ വീട്ടുകാര്‍ കണ്ടെത്തിയത് 39 പാമ്പുകളെ. മഹാരാഷ്ട്രയിലെ ഗോണ്ടിയയിലാണഅ സംഭവം. കട്ടളയില്‍ താമസമാക്കിയ ചിതലിനെ കളയുന്നതിനിടെയാണ് പാമ്പുകളെ കണ്ടെത്തിയതെന്ന് വീട്ടുകാര്‍ പറഞ്ഞു. തുടര്‍ന്ന് രണ്ട് പാമ്പുപിടിത്തക്കാരുടെ സഹായത്തോടെ പാമ്പുകളെ പിടിച്ചെടുത്ത് വനത്തിലേക്ക് അയച്ചതായി വീട്ടുകാര്‍ പറഞ്ഞു. നാല് മണിക്കൂറോളമെടുത്താണ് ഇവയെ പിടികൂടിയതെന്നും വീട്ടുകാര്‍ പറഞ്ഞു.
20 വർഷം മുൻപാണ് വീട് നിർമിച്ചതെന്ന് വീട്ടുടമ സീതാറാം ശർമ പറഞ്ഞു. വാതിലിന്റെ ചട്ടക്കൂട് ചിതലുകൾ തിന്നുകളഞ്ഞിരുന്നു. തുടര്‍ന്ന് കഴിഞ്ഞ ആഴ്ച, വീട്ടുജോലിക്കാരി വൃത്തിയാക്കുമ്പോൾ, ഒരു ചെറിയ പാമ്പിനെ പിടികൂടി, പിന്നാലെ ഫ്രെയിമിനുള്ളിൽ മറ്റ് ചിലവ തെന്നിമാറുന്നതും കണ്ടെത്തി.
വീട്ടിൽ കണ്ടെത്തിയ പാമ്പുകൾ വിഷമുള്ളതല്ലെന്ന് പാമ്പ് പിടിത്തക്കാരൻ ബണ്ടി ശർമ പറഞ്ഞു. വാതിലിന്റെ ഫ്രെയിമിലെ ചിതലിനെ ഭക്ഷിച്ചാണ് പാമ്പുകള്‍ ജീവിച്ചതെന്നും പാമ്പ് പിടിത്തക്കാർ പറഞ്ഞു. പാമ്പുകൾ ഒരാഴ്ച മുമ്പാണ് ജനിച്ചതെന്നും 7 ഇഞ്ചിൽ കൂടുതൽ നീളമുള്ളതല്ലെന്നും അവർ പറഞ്ഞു.
English Summary: During house cleaning, 38 snakes were found in the door jamb
You may also like this video
