ബോളിവുഡ് നടിയും മുന്‍ ലോകസുന്ദരിയുമായ ഐശ്വര്യാ റായിക്ക് എന്‍ഫോഴ്സ്മെന്റ് ഡയറക്ടറേറ്റ് നോട്ടീസ് അയച്ചു. ചോദ്യം ചെയ്യലിന് ഹാജരാകണമേന്ന് ആവശ്യപ്പെട്ടാണ് നോട്ടീസ്. പനാമ വെളിപ്പെടുത്തലിന്റെ പശ്ചാത്തലത്തിലാണ് നടപടി. കള്ളപ്പണം ഒളിപ്പിച്ചുവെന്നതാണ് ആരോപണം. 1048 ഇന്ത്യക്കാരുടെ പേരുകളാണ് പനാമ രേഖകളുമായി ബന്ധപ്പെട്ട അന്വേഷണാത്മക പത്രപ്രവർത്തകരുടെ കൂട്ടായ്‌മ പുറത്തു വിട്ടിരിക്കുന്നത്. കേരളത്തിൽ നിന്ന് ഒമ്പത് പേരുടെ പേരും പനാമ പുറത്തു വിട്ട പട്ടികയിലുണ്ട്. ബോളിവുഡ് താരങ്ങളുൾപ്പെടെ നിരവധി പേരും പട്ടികയിലുണ്ട്.നേരത്തേ രണ്ട് തവണ ഇഡി ഐശ്വര്യയ്‌ക്ക് നോട്ടീസ് നൽകിയിരുന്നെങ്കിലും ഹാജരായിരുന്നില്ല. ചോദ്യം ചെയ്യലിന് താരം എത്തുമോയെന്ന കാര്യത്തിൽ വ്യക്തതയില്ല.
English Summary: ED issued notice to Aishwarya Rai for money laundering
You may like this video also
