വിദേശനാണ്യ വിനിമയ ചട്ടം ലംഘിച്ചെന്ന പരാതിയില്‍ തൃണമൂല്‍ കോണ്‍ഗ്രസ് നേതാവ് മഹുവ മൊയ്ത്രയ്ക്ക് എന്‍ഫോഴ്സ്മെന്റ് ഡയറക്ടറേറ്റ് വീണ്ടും നോട്ടീസയച്ചു. നാളെ ഇഡി ഓഫീസില്‍ ഹാജരാകാന്‍ ആവശ്യപ്പെട്ടാണ് നോട്ടീസ്. ഇത് മൂന്നാമത്തെ സമന്‍സാണ് ഇഡി അയച്ചത്. മുമ്പ് ഫെബ്രുവരി 19നും മാര്‍ച്ച് 11നും സമന്‍സ് അയച്ചിരുന്നെങ്കിലും മഹുവ ഹാജരായിരുന്നില്ല. കഴിഞ്ഞ ദിവസം ചോദ്യത്തിന് കോഴക്കേസില്‍ മഹുവയുടെ വസതികളില്‍ ഇഡി റെയ്ഡ് നടത്തിയിരുന്നു. തുടര്‍ന്ന് ഇഡി നടപടിക്കെതിരെ തെരഞ്ഞെടുപ്പ് കമ്മീഷനില്‍ മഹുവ പരാതി നല്‍കിയിരുന്നു. ബംഗാളിലെ കൃഷ്ണനഗര്‍ മണ്ഡലത്തില്‍ നിന്നും ലോക്സഭാ തെരഞ്ഞെടുപ്പില്‍ ഇത്തവണയും മഹുവ സ്ഥാനാര്‍ത്ഥിയാണ്.
English Summary:ED notice again to Mahua Moitra; Must appear tomorrow
You may also like this video
