മദ്യനയ അഴിമതിക്കേസില്‍ ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന് എട്ടാമതും സമന്‍സ് അയച്ച് എന്‍ഫോഴ്സ്‌മെന്റ് ഡയറക്‌ടറേറ്റ്. ചോദ്യം ചെയ്യലിന് ഹാജരാകാന്‍ ഇഡി ഏഴുതവണ സമന്‍സ് അയച്ചെങ്കിലും കെജ്‌രിവാള്‍ ഹാജരായിരുന്നില്ല. എട്ടാമത്തെ സമന്‍സില്‍ മാര്‍ച്ച് നാലിന് ചോദ്യം ചെയ്യലിന് ഹാജരാകാനാണ് നിര്‍ദേശം.
ഇഡിയുടെ നോട്ടീസുകള്‍ നിയമവിരുദ്ധമാണെന്നും കോടതി ഉത്തരവിട്ടാല്‍ മാത്രമെ ഇഡിക്ക് മുന്നിലെത്തൂവെന്നും കെജ്‌രിവാള്‍ അറിയിച്ചിരുന്നു. അതേസമയം ചോദ്യം ചെയ്യുന്നതിനായി നല്‍കിയ തുടര്‍ച്ചയായ നോട്ടീസുകള്‍ കെജ്‌രിവാള്‍ അവഗണിക്കുകയാണെന്ന് ചൂണ്ടിക്കാട്ടി ഇഡി ഡല്‍ഹി കോടതിയെ സമീപിച്ചിരുന്നു. കേസില്‍ മാര്‍ച്ച് 16ന് വാദം കേള്‍ക്കാനിരിക്കെയാണ് ഇഡി വീണ്ടും നോട്ടീസ് അയച്ചത്.
English Summary: ED summons to Arvind Kejriwal for the eighth time
You may also like this video
