ഈജിപ്തിൽ കോപ്റ്റിക് ക്രിസ്ത്യൻ പുരോഹിതനെ കുത്തിക്കൊലപ്പെടുത്തിയ കേസിലെ പ്രതിക്ക് വധശിക്ഷ. പുരോഹിതനായ അർസാനിയോസ് വാഹിദിനെ (56) വധിച്ച കേസിൽ നെഹ്റു തഫീഖിനാണ് (60) അലക്സാൻഡ്രിയയിലെ കോടതി വധശിക്ഷ വിധിച്ചത്. അലക്സാൻഡ്രിയയിലെ ബീച്ചിൽ കഴിഞ്ഞ ഏപ്രിലിലാണ് വാഹിദിനു നേരെ ആക്രമണം നടന്നത്.
ഭീകരവാദ പശ്ചാത്തലമുള്ളയാളാണ് തഫീഖ് എന്ന് അന്വേഷണത്തിൽ കണ്ടെത്തി. സമീപകാലത്തായി ഈജിപ്തിൽ ക്രിസ്ത്യാനികൾക്കെതിരെ നടന്നുവരുന്ന ആക്രമണങ്ങളുടെ തുടർച്ചയാണിതെന്നു കോടതി കണ്ടെത്തി. 2017 സെപ്റ്റംബറിൽ ഐഎസ് ബന്ധമുള്ള ഭീകരൻ കയ്റോയിൽ 82 വയസ്സുള്ള ക്രിസ്ത്യൻ ഡോക്ടറെ കുത്തിക്കൊന്നിരുന്നു.
English summary;egypt court sentences man to death for killing priest