ഇന്ത്യൻ അസോസിയേഷൻ ഷാർജയുടെ ബലി പെരുന്നാൾ ആഘോഷം കൾച്ചറൽ കമ്മിറ്റിയുടെ നേതൃത്വത്തിൽ കമ്മ്യൂണിറ്റി ഹാളിൽ നടന്നു. അസോസിയേഷൻ ആക്ടിംഗ് പ്രസിഡണ്ട് പ്രദീപ് നെന്മാറയുടെ അദ്ധ്യക്ഷതയിൽ ദുബൈ ഇന്ത്യൻ കോൺസുലേറ്റിലെ പാസ്‌പോർട്ട് വിഭാഗം കോൺസൽ സുനിൽ കുമാർ ഉദ്ഘാടനം നിർവഹിച്ചു. ട്രഷറർ ഷാജി ജോൺ,ജോയിന്റ് ട്രഷറർ പി.കെ.റെജി എന്നിവർ ആശംസാ പ്രസംഗം നടത്തി.
കൾച്ചറൽ കമ്മിറ്റി കൺവീനർ കെ ടി നായർ ആമുഖ പ്രഭാഷണവും മാസ്റ്റർ മുഹമ്മദ് റമിൻ ഗഫൂർ ഖിറാഅത്തും നടത്തി. ആക്ടിംഗ് ജനറൽ സെക്രട്ടറി ജിബി ബേബി സ്വാഗതവും കൾച്ചറൽ കമ്മിറ്റി കോഡിനേറ്ററും മാനേജിംഗ് കമ്മിറ്റി അംഗവുമായ അബ്ദുമനാഫ് മാട്ടൂൽ നന്ദിയും പറഞ്ഞു.
ജന ബാഹുല്യം കൊണ്ട് തിങ്ങി നിറഞ്ഞ കമ്മ്യൂണിറ്റി ഹാളിൽ കുവൈറ്റ് ദുരന്തത്തിൽ മരണമടഞ്ഞവരോടുള്ള ആദര സൂചകമായി സദസ്സ് എഴുന്നേറ്റ നിന്ന് മൗന പ്രാർത്ഥനയോടെയാണ് ഉദ്ഘാടന ചടങ്ങുകൾ ആരംഭിച്ചത്.ആദിൽ അത്തുവും സംഘവും അവതരിപ്പിച്ച ഗാനമേളക്കുപുറമേ ഷാർജ ഇന്ത്യൻ സ്‌കൂൾ ഗേൾസ് വിഭാഗം അവതരിപ്പിച്ച ഒപ്പനയും സിനിമാറ്റിക് ഡാൻസും അരങ്ങേറി.
English Summary:Eid was celebrated at the Indian Association
You may also like this video
