സ്കൂൾ പരീക്ഷയിൽ കോപ്പിയടിച്ചതിന് പിടിച്ചതിനെ തുടര്‍ന്ന് എട്ടാം ക്ലാസുകാരന്‍ ജീവനൊടുക്കി. ബംഗളൂരു രജരാജേശ്വരി നഗർ സ്വദേശി ധീരജ് കുമാർ (13) ആണ് മരിച്ചത്. പരീക്ഷക്കിടെ കോപ്പിയടിച്ചത് ശ്രദ്ധയില്‍പ്പെട്ട അധ്യാപിക ധീരജിനെ പ്രിൻസിപ്പലിന് മുന്നിൽ ഹാജരാക്കിയിരുന്നു. തുടർന്ന് രക്ഷിതാവിനെ വിളിച്ചുകൊണ്ടുവരണമെന്ന് സ്കൂൾ അധികൃതർ ആവശ്യപ്പെട്ടുകയായിരുന്നു. തുടര്‍ന്ന് വീട്ടിലെത്തിയ വിദ്യാർഥി മുറിയുടെ കതകടച്ച ശേഷം ആത്മഹത്യ ചെയ്യുകയായിരുന്നു. പഠിക്കാൻ മിടുക്കനായ വിദ്യാർഥിയായതിനാൽ പറ്റിയ തെറ്റിന് കാര്യമായ നടപടിയൊന്നുമെടുത്തില്ലെന്നാണ് സ്കൂൾ അധികൃതർ നൽകിയ വിശദീകരണം.
English Summary: Eighth grader commits suicide
You may also like this video
