ഉത്തരാഖണ്ഡ് ഇന്ന് പോളിങ് ബൂത്തിലേക്ക്. ഉത്തരാഖണ്ഡിലെ ചമ്പാവത്ത് അസംബ്ലി സീറ്റിലേക്കാണ് തെരഞ്ഞെടുപ്പ് നടക്കുന്നത്.
ഫെബ്രുവരിയിൽ നടന്ന സംസ്ഥാന നിയമസഭാ തെരഞ്ഞെടുപ്പിൽ ഖത്തിമയിൽ നിന്ന് പരാജയപ്പെട്ട മുഖ്യമന്ത്രി പുഷ്കർ സിംഗ് ധാമി, ചമ്പാവത്തിൽ നിന്ന് ജനവിധി തേടും.
മുൻ ബിജെപി എംഎൽഎ കൈലാഷ് ഗെഹ്‌തോരി കഴിഞ്ഞ മാസം ചമ്പാവത്തിൽ നിന്ന് രാജിവെച്ചതോടെയാണ് ധാമിക്ക് സീറ്റിൽ മത്സരിക്കാൻ വഴിയൊരുക്കിയത്. സംസ്ഥാനത്തെ കുമയോൺ മേഖലയിൽ സ്ഥിതി ചെയ്യുന്ന ചമ്പാവത്തിൽ കോൺഗ്രസിന്റെ നിർമല ഗെഹ്തോരിയുമായാണ് ധാമി ഏറ്റുമുട്ടുന്നത്.
സമാജ്‌വാദി പാർട്ടിയുടെ മനോജ് കുമാർ ഭട്ടും സ്വതന്ത്രൻ ഹിമാൻഷു ഗഡ്‌കോട്ടിയും മത്സരരംഗത്തുണ്ട്. ചമ്പാവത്ത് മണ്ഡലത്തിൽ 50,171 പുരുഷന്മാരും 46,042 സ്ത്രീകളും ഉൾപ്പെടെ 96,213 വോട്ടർമാരാണുള്ളത്.
English Summary; Elections are also in progress in Uttarakhand
You may like this video also
