ഷോര്‍ട്ട് സര്‍ക്ക്യൂട്ട് മൂലമുണ്ടായ വൈദ്യുതാഘാതത്തില്‍ മുംബൈയില്‍ ഒരു കുടുംബത്തിലെ ഏഴുപേര്‍ വെന്തുമരിച്ചു. രണ്ട് കുട്ടികള്‍ ുഉള്‍പ്പെടെയുള്ളവരാണ് മരിച്ചത്. മുബൈയിലെ ചെമ്പൂരിലുള്ള സിദ്ധാര്‍ത്ഥ് കോളനിയിലാണ് സംഭവം. ഇരുനില കെട്ടിടത്തില്‍ രാവിലെ അഞ്ച് മണിയോടെയാണ് അപകടമുണ്ടായത്. താഴത്തെ നിലയിലുണ്ടായ തീപിടിത്തം വീട്ടിലേക്കും വ്യാപിക്കുകയായിരുന്നു. താഴത്തെ കടയില്‍ ഇലക്ട്രിക് ഉപകരണങ്ങള്‍ ഉണ്ടായിരുന്നു. ഇവിടെയാണ് ഷോര്‍ട്ട് സര്‍ക്ക്യൂട്ടുണ്ടായത്. ഏഴു വയസുകാരനായ പാരിസ് ഗുപ്ത, 10 വയസുകാരനായ നരേന്ദ്ര ഗുപ്തയും മഞ്ജു പ്രേം ഗുപ്ത, അനിത ഗുപ്ത, പ്രേം ഗുപ്ത, വിദ്ധി ഗുപ്ത, ഗീത ഗുപ്ത എന്നിവരാണ് മരിച്ചത്. ഇവരെ ആശുപത്രിയില്‍ എത്തിച്ചെങ്കിലും മരിച്ചിരുന്നു.
വൈദ്യുതാഘാതം: ഒരു കുടുംബത്തിലെ ഏഴുപേര്‍ വെന്തു മരിച്ചു
