ജമ്മു കശ്മീരിലെ കുൽഗാം ജില്ലയിൽ സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലിൽ ഒരു ജവാന് വീരമൃത്യു. മോഡേർഗാം ഗ്രാമത്തിലെ തീവ്രവാദ സാന്നിധ്യത്തെക്കുറിച്ച് രഹസ്യവിവരം ലഭിച്ചതിനെത്തുടർന്ന് സിആർപിഎഫും സൈന്യവും പ്രാദേശിക പൊലീസും സംയുക്തമായി തിരച്ചില്‍ നടത്തുന്നതിനിടെയാണ് ഏറ്റുമുട്ടലുണ്ടായത്. തീവ്രവാദികള്‍ സൈന്യത്തിനുനേരെ വെടിയുതിര്‍ക്കുകയായിരുന്നു. വെടിയേറ്റ ജവാന് ആശുപത്രിയില്‍ വച്ച് മരണത്തിന് കീഴടങ്ങി. ജമ്മു കശ്മീരിലെ വിവിധ ജില്ലകളിലായി നിരവധി ഏറ്റുമുട്ടലുകളാണ് അടുത്തിടെ റിപ്പോര്‍ട്ട് ചെയ്തത്. കഴിഞ്ഞ മാസം, ദോഡ ജില്ലയിലെ ഗണ്ഡോ മേഖലയിൽ സുരക്ഷാ സേന മൂന്ന് ഭീകരരെ വധിച്ചിരുന്നു.
English Summary:Encounter in Jammu and Kashmir: Jawan martyred
You may also like this video
