ജമ്മു കശ്മീരിലെ ദോഡ ജില്ലയിൽ തിങ്കളാഴ്ച ഭീകരരുമായുണ്ടായ ഏറ്റുമുട്ടലിൽ ഒരു മേജർ ഉൾപ്പെടെ നാല് സൈനികർ വീരമൃത്യുവരിച്ചു.
ഭീകരരുടെ സാന്നിധ്യത്തെക്കുറിച്ചുള്ള രഹസ്യവിവരത്തിന്റെ അടിസ്ഥാനത്തിൽ ഇന്ത്യൻ സൈന്യവും ജമ്മു കശ്മീർ പോലീസും സംയുക്തമായി ദോഡയിലെ ദേശ മേഖലയിൽ നടത്തിയ തിരച്ചിലിനിടെയാണ് ഏറ്റുമുട്ടലുണ്ടായത്.
രാത്രി ഒമ്പതുമണിയ്ക്കുശേഷമാണ് ഏറ്റുമുട്ടലുണ്ടായത്. ഏറ്റുമുട്ടലിൽ അഞ്ച് സൈനികർക്ക് ഗുരുതരമായി പരിക്കേറ്റതായി അധികൃതർ അറിയിച്ചു.
ഒരാഴ്ചയ്ക്കിടെ ജമ്മു മേഖലയിലുണ്ടാകുന്ന രണ്ടാമത്തെ വലിയ ആക്രമണമാണിത്.
കഴിഞ്ഞയാഴ്ച കത്വയിൽ അഞ്ച് സൈനികർ കൊല്ലപ്പെട്ടതിന് ശേഷം ജമ്മു മേഖലയിൽ നടക്കുന്ന രണ്ടാമത്തെ വലിയ ഏറ്റുമുട്ടലാണിത്.
കഴിഞ്ഞ 32 മാസത്തിനിടെ ജമ്മു മേഖലയിൽ 48 സൈനികരാണ് കൊല്ലപ്പെട്ടത്. ജമ്മു മേഖലയിൽ മാത്രം 60ലധികം വിദേശ ഭീകരർ പരിശീലനം നേടിയിട്ടുള്ളതായി റിപ്പോർട്ടുകൾ ഉണ്ട്.
English Summary: Encounter in Jammu and Kashmir: Four soldiers, including a major, martyred
You may also like this video
