ജമ്മു കശ്മീരിലെ ബുദ്ഗാം ജില്ലയിലുണ്ടായ ഏറ്റുമുട്ടലിൽ രണ്ട് ഭീകരർ കൊല്ലപ്പെട്ടു. ബുദ്ഗാമിലെ കോടതി സമുച്ചയത്തിന് സമീപം സംശയാസ്പദമായ വാഹനം തടയാൻ ശ്രമിച്ചപ്പോള്‍ ഭീകരര്‍ സംഘത്തിനുനേരെ വെടിയുതിർക്കുകയായിരുന്നുവെന്ന് പൊലീസ് പറഞ്ഞു. തുടര്‍ന്ന് നടന്ന വെടിവയ്പിൽ രണ്ട് ഭീകരരെ വധിക്കുകയായിരുന്നു. കഴിഞ്ഞയാഴ്ച സമീപത്തെ മാഗം മേഖലയിൽ നടത്തിയ തിരച്ചിലിൽ നിന്ന് രണ്ട് ഭീകരരും രക്ഷപ്പെട്ടതായി മുതിർന്ന പൊലീസ് ഉദ്യോഗസ്ഥൻ പറഞ്ഞു. കൊല്ലപ്പെട്ട ഭീകരരില്‍ നിന്ന് ഒരു എകെ റൈഫിളും ഒരു പിസ്റ്റളും കണ്ടെടുത്തു.
English Summary: Encounter in Jammu and Kashmir: Two terrorists killed by security forces
You may also like this video
