രാജ്യത്ത് ഊർജ്ജ പ്രതിസന്ധി അതിരൂക്ഷം. പതിനാറ് സംസ്ഥാനങ്ങളിൽ പത്ത് മണിക്കൂർ വരെയാണ് പവർകട്ട് ഏർപ്പെടുത്തിയിരിക്കുന്നത്. രാജ്യതലസ്ഥാനമായ ഡൽഹിയും പവർകട്ടിലേക്ക് നീങ്ങുകയാണ്.
വൈദ്യുത നിയങ്ങളിലേക്ക് കൽക്കരി എത്തിക്കാൻ 753 പാസഞ്ചർ ട്രെയിനുകൾ റദ്ദാക്കി. രാജ്യത്തെ കേന്ദ്രം പ്രതിസന്ധിയിലാക്കിയെന്ന് കോൺഗ്രസ് ആരോപിച്ചു.
മെട്രോ സർവ്വീസുകളെയും ആശുപത്രി ഉൾപ്പടെയുള്ള അവശ്യസേവനങ്ങളെയും ബാധിക്കുമെന്ന ആശങ്കയിലാണ് ഡൽഹി. 1.8 മില്ല്യൺ ടൺ കൽക്കരിയാണ് ഒരു ദിവസത്തേക്ക് താപ വൈദ്യുത നിലയങ്ങൾക്ക് വേണ്ടത്.
അതേസമയം രാജ്യത്ത് വൈദ്യുതി പ്രതിസന്ധി കൂടുതൽ സംസ്ഥാനങ്ങളിലേക്ക് വ്യാപിക്കുകയാണ് എന്നാണ് റിപ്പോർട്ടുകൾ. ബീഹാറിലും ഒഡീഷയിലും പ്രതിസന്ധി രൂക്ഷമാകുകയാണ്. പല വൈദ്യുതി പ്ളാന്റുകളിലെയും കൽക്കരി ശേഖരം തീരുകയാണ്.
English summary;Energy crisis; Up to ten hours power cut in sixteen states
You may also like this video;
