ശാസ്ത്ര- സ്വതന്ത്രചിന്താ പ്രസ്ഥാനമായ എസ്സെന്‍സ് ഗ്ലോബലിന്റെ വാര്‍ഷിക സമ്മേളനമായ എസ്സെന്‍ഷ്യ ഇത്തവണയും വൈവിധ്യമാര്‍ന്ന പ്രഭാഷണ പരമ്പരയുമായി സംഘടിപ്പിക്കുന്നു. ഡിസംബര്‍ 11ന് എറണാകുളം ടൗണ്‍ഹാളില്‍ രാവിലെ 9 മണി മുതല്‍ നടക്കുന്ന ശാസ്ത്ര- സ്വതന്ത്രചിന്താ സെമിനാറായ എസ്സെന്‍ഷ്യ‑21ന് ഉള്ള ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു. ‘ഹ്യൂമസിനം വൈറല്‍’ എന്ന തലവാചകമാണ് എസ്സന്‍ഷ്യ‑21ന് കൊടുത്തിട്ടുള്ളത്. കേരളത്തിന് അകത്തും പുറത്തുമുള്ള നിരവധി പ്രഭാഷകർ എസ്സെന്‍ഷ്യയില്‍ പങ്കെടുക്കും.രാവിലെ 9 മണിക്ക് പരിപാടി തുടങ്ങുന്നത് മെന്‍ഡലിസ്റ്റും മജീഷ്യനുമായ ഫാസില്‍ ബഷീറിന്റെ ഷോയോടെയാണ്. ചന്ദ്രശേഖർ ആർ, ആരിഫ് ഹുസൈൻ, കെ എം ശ്രീകുമാർ, മനുജ മൈത്രി, രവി ചന്ദ്രൻ സി തുടങ്ങിയവർ വിവിധ വിഷയങ്ങളിൽ സംസാരിക്കും.